कन्सल्टेन्सीहरुमा वेलायत जाने बिद्यार्थीको घुईंचो - राधिका ढकाल

काठमाडौं / बानेश्वर, काठमाडौंकी चाँदनी गुरुङ बेलायत जानका लागि आइएलटीएस गर्दैछिन् । एक बर्ष अघिदेखि वेलायत जाने सोँचमा रहेकी चाँदनीले बेलायत सरकारको नयाँ नियम ल्याएपछि बिचैमा वेलायत जाने मन मारेकी थिइन् । तर अहिले पुन वेलायत जानका लागि सहज अवस्था आएपछि आफ्नो इच्छा पुरा हुन लागेको उनले बताईन् । 'केही समय अगाडि कन्सल्टेन्सीले भिषा लाग्ने सम्भावना छैन भन्यो म पनि जान चाहीन, तर अहिले सहज भएकोले जाने तयारीमा लागेकी छु' उनले भनिन् । गत अपि्रल १ पछि बेलायती सरकारले विद्यार्थीहरुका लागि सहज वातावरण बनाएपछि बिद्यार्थीहरु बेलायत जान आकषिर्त बन्दै गएका छन् । बेलायत पढ्न जान चाहाने चाँदनी गुरुङ् मात्र होइन उनी जस्ता धेरैको संख्या दिन प्रतिदिन बढिरहेको छ । बानेश्वरस्थित अमेरिकन कन्सल्टेन्सीका काउन्सिलर प्रविण शर्माका अनुसार अहिले वेलायत जाने बिद्यार्धी ह्वात्तै बढेका छन् । शर्मा भन्छन् -'हाम्रो १० वटा शाखाबाट ४ सय भन्दा बढी संख्यामा बेलायत पढ्न जान चाहाने बिद्यार्थीको लहर छ ।' केही समय अगाडिसम्म्ा कडा नियम भएका कारण धेरैको भिषा नलागेको र अपि्रल १ देखि बेलायती सरकारले ल्याएको नयां पोलिसीले हाल ७० देखि ८० प्रतिशतसम्म बिद्यार्थीको भिषा लाग्ने गरेको उनले बताए ।
उच्च शिक्षा हासिल गर्न वेलायत जाने विद्यार्थीहरुको संख्यामा अहिले तीव्र बृद्धि भएको छ । बानेश्वरकै आइस्टाइन कन्सलटेन्सीका मेनेजर विरेन्द्र श्रेष्ठ भन्छन् 'भिसा लाग्ने सम्भावना आजभोलि अत्याधिक भएकाले विद्यार्थीहरुको वेलायत जाने आकर्षण बढिरहेको छ ।' आइन्सटाइन कन्सलटेन्सीमा हाल वेलायत जान आइएलटीएस दिने तयारी गरिरहेका विद्यार्थीहरुको संख्या पनि उच्च छ । मेनेजर श्रेष्ठका अनुसार तत्कालै वेलायत जान तयारी गरिरहेका विद्यार्थीहरुको संख्या ८० छ । उच्च शिक्षा हासिल गर्न बाहिर जान चाहने विद्यार्थीको संख्या दिनप्रतिदिन बढिरहेको उनको भनाई छ । यसमा पनि अपि्रल १ पछि धेरैजसो विद्यार्थीको प्रमुख आकर्षण बेलायत बनिरहेको उनी बताउँछन् ।
यसअघिसम्म अष्ट्रेलिया र अमेरीकामा जोड दिने कन्सल्टेन्सीहरु अहिले वेलायतका लागि बिद्यार्थिलाई जोड दिने गरेका छन् । वेलायतकै लागि बिद्यार्थीलाई बाटो देखाउँदै आएको भर्सटाइल एजुकेशन सेन्टरका लक्षमण खनाल पछिल्लो समयमा वेलायतका लागि विद्यार्थीलाई सहजता भएको बताउँछन् । खनाल भन्छन् 'अपि्रल १ तारिखपछि हाम्रो सेन्टरबाट ४ सय ९० महिलाहरु र सोही अनुपातमा पुरुषहरु गएका छन् ।' महिलाहरुका लागि नर्सिङ र पुरुषका लागि साइन्स पढेको विद्यार्थीलाई बढी भिसा लाग्ने गरेको उनको भनाई छ । खनालका अनुसार सो एजुकेशन सेन्टरले भने बेलायतमा मात्र विद्यार्थी पठाउने गर्छ । यसै सेन्टरबाट बेलायत जानका लागि भिसा लगाएकी विपना केसी अहिले निकै खुसी छीन् । उनी भन्छिन् 'नर्सिङ पढ्नका लागि वेलायत जाँदैछु, त्यहाँ गएपछि पढाइसँगै काम पनि गर्नुपर्छ नत्र हामीले खर्च कसरी पुर्‍याउने ?'
बेलायत पढ्न जान न्यूनतम खर्च नेपाली ४ लाख देखि ६ लाखसम्म लाग्ने बताउँछन् बेलायत जान लागेका पुतलीसडकका अनिल पाण्डे । उनी भन्छन् 'कन्सलटेन्सी र आफूले अध्ययन गर्न जाने विश्वविद्यालयअनुसार खर्च लाग्छ ।' भर्सटाइल एजुकेशन सेन्टरका लक्षमण खनाल पनि ६ लाख रुपैंयाले १ वर्षसम्मको कलेज शुल्क र १ महिना छात्रावास बस्न पुग्ने बताउँछन् ।
साधारणतया ४ लाखदेखि ८ लाखसम्म बेलायत जान लाग्ने खर्च बाहेक नेपालमा आफ्नो खातामा १६ लाखदेखि २० लाख ब्यालेन्स हुनुपर्ने नियम छ । आफ्नो प्राइभेट खातामा भएको व्यालेन्सले पनि भिसा लाग्ने सम्भावना कम र बढी रहेको बताउँछन् आइनस्टाइन कन्सलटेन्सीका मेनेजर विरेन्द्र श्रेष्ठ । उनी भन्छन् -'१० प्रतिशत भिषा लाग्ने सम्भावना भनेको बैंक ब्यालेन्समा आˆनो रकम बढी देखाउनु पनि हो ।'
केही समय अगाडिसम्म बेलायती सरकारको कडा नियमले गर्दा बेलायत पढ्न जाने बिद्यार्थीको संख्या घटेको थियो । तर पछिल्लो समयमा बेलायत जाने बिद्यार्थीको संख्या हृवात्तै बढेको छ । पहिला बेलायत पढ्नका लागि सजिलै भिषा लाग्ने गरेको भएपनि बीचमा धेरै गाह्रो थियो । हाल पुन सहज वातावरण भएकोले ८० प्रतिशत बिद्यार्थीले भिषा पाउने गरेको बताउँछन् कन्सलटेन्सी सन्चालकहरु । मुलुकमा पछिल्लो समयमा बिभिन्न देशहरुमा गएर उच्चशिक्षा हासिल गर्नु भन्दा पनि बिद्यार्थी भिषा लिएर उतै रोजगार गरेर बस्नेको संख्या दिन प्रतिदिन बढिरहेको छ । अरु देशहरुमा भन्दा बेलायतमा गएपछि बिद्यार्थीहरुले ब्यवस्थित रोजगारको अवसर पाउने हुँदा धेरैजसो बिद्यार्थीहरु बेलायतप्रति आकषिर्त हुने गरेको बताइएको छ ।